Юнусобод тумани Мудофаа ишлари бўлимининг янги биноси фойдаланишга топширилди

🏢Юнусобод туманида Мудофаа ишлари бўлимининг замонавий янги биноси фойдаланишга топширилди.

Унинг очилиш маросимида Тошкент шаҳар ҳокими ўринбосари Дурдона Раҳимова, Юнусобод тумани ҳокими Аброрхўжа Саидалиев ҳамда Мудофаа вазирлиги ходимлари иштирок этиб, янги маскан фаолиятига муваффақият тиладилар.

🖥Янги бино замонавий компьютер воситалари билан жиҳозланиб, Мудофаа вазирлигининг ягона электрон платформаси ва «Чақирув» тизими билан интеграция қилинди. Бу чақирилувчилар ҳисобини юритиш ва ҳужжатларни расмийлаштириш жараёнларини рақамлаштириб, ортиқча қоғозбозлик ва сарсонгарчиликларга барҳам беришга хизмат қилади.

➡️Шунингдек, чақирув пунктлари замонавий кузатув камералари билан жиҳозланиб, чақирилувчилар ва уларнинг ота-оналарига тиббий кўрик жараёнини кузатиш имконияти яратилди.