УЧТЕПА ТУМАНИДАГИ ФАХРИЙ ШАЪНИГА ЮКСАК ЭҲТИРОМ ВА ЭЪЗОЗ НАМОЁН ЭТИЛДИ.

🔘 9-май — Хотира ва қадрлаш куни муносабати билан Ўзбекистон Республикаси Президентининг байрам табриги ҳамда Президент совғаси Учтепа туманида истиқомат қилувчи фахрийга тантанали равишда топширилди.

⛈ Учтепа туманига ташриф буюрган Ўзбекистон Республикаси Ҳарбий хавфсизлик ва мудофаа университети бошлиғининг ўринбосари, генерал-майор Шерматов Фарҳоджон Артикович, туман ҳокими Мамаджанов Буниёд Бахтиярович ҳамда мутасадди раҳбарлар томонидан «Бирлик» МФЙ, 21-мавзе ҳудудида яшовчи, 1941–1945 йилларда Ленинград қамали даврида фашистлар концлагерларида тутқинлик азобини бошидан кечирган Бурикин Анатолий Иванович ҳолидан хабар олинди.

🧡 Ташриф давомида давлатимиз раҳбарининг самимий байрам табриги ўқиб эшиттирилиб, фахрийга 30 миллион сўм миқдоридаги мукофот пули тантанали равишда топширилди.

🌐 Юртимиз тинчлиги ва бугунги доруломон кунлар учун жон фидо қилган фахрийларимизга кўрсатилаётган бундай эътибор ва эҳтиром — инсон қадри улуғланган Янги Ўзбекистоннинг ёрқин ифодасидир.