Toshkentning muqaddas homiylarining shartli ro‘yxati an'anaviy ravishda birinchi islomiy uyg‘onish davrining yirik namoyandasi Qaffol ash-Shoshiy nomi bilan ochiladi. O‘ninchi asr musulmon olamida fan va san'atning hayron qolarli darajada yuksalishi bilan mashhur bo‘lgan, bu yuksalishning faol ishtirokchisi bizning vatandoshimizdir. Qaffol ash-Shoshiy shoir, faylasuf, ilohiyotchi, mutafakkir va olim sifatida tanilgan, o‘z davrining eng ma'rifatli insonlaridan biri edi. Rivoyatga ko‘ra, u yana qulf yasashga ham qiziqqan.

Ming yildan beri toshkentliklar uning xotirasini ardoqlab keladilar va mutafakkirning Toshkentda tug‘ilgani hamda umrining oxirida yana shu yerga qaytganidan faxrlanadilar. Qaffol ash-Shoshiyning qabri ustida, Kalkovuz arig‘i qirg‘og‘ida, maqbara qurilgan. O‘tgan asrlar davomida shahar bir necha bor zilzilalar va urushlar tufayli vayron bo‘lgan, mozor qayta-qayta qurilgan. Hozirgi bino 1541 yili, Shayboniylar hukmronligi davrida qurilgan bo‘lib, olim xotirasiga hurmat-ehtiromni aks ettiradi.

Qabriston atrofida asta-sekin masjid va madrasa bilan butun bir majmua paydo bo‘ldi va u Xazrati Imom yoki qisqacha Hastimom deb ataldi. Sovet davrida qabriston yopilgan, ammo mutafakkir xotirasi xalq orasida saqlanib qolgan.

2007 yilda Hazrati Imom majmuasi to‘liq tiklanib, sayyohlarning asosiy diqqatga sazovor joyiga aylandi