Анҳор бўйидаги чойхона 1956 йилда меъмор В.М. Дмитриев лойиҳаси асосида қурилган ва Ўзбекистоннинг моддий маданий мерос объектлари рўйхатига киритилган. Кўп тошкентликлар чойхонага ташриф буюришган — айниқса, ёз жазирамасида сув устида ўтириш жуда ёқимли эди.

Кафе XIX асрнинг биринчи ярмида қурилган собиқ Қўқон қалъаси — Ўрда ўрнида жойлашган. Кафе ёнидаги Анҳор устидан ўтган кўприк XIX аср охири — XX аср бошида эски шаҳарни руслар яшайдиган янги шаҳар билан боғлаган.

Кафе биноси миллий элементлар асосида лойиҳалаштирилган, аммо бир неча бор реконструкция қилинган. Шундай қилиб, 1979 йилда кафе кенгайтирилиб, ёнига янги бинолар қурилди ва у 280 ўринли ёзги ҳамда қишки икки залга эга бўлди.

2012–2014 йилларда Анҳор қирғоғини реконструкция қилиш вақтида 1979 йилда қурилган қўшимча биноларнинг бир қисми бузиб ташланди. Ўша пайтда кафе ёнида кўп қаватли уй қурилиши бошланди. Тошкентликларнинг норозилигидан сўнг, 2023 йилда қурилиш ишлари тўхтатилди ва бино бузиб ташланди.